Willsch mit uns Fasnacht mache?
Oder eifach mit uns pfyffe? Oder nume emol verbii luege und Sali sage? Denn mäld di doch grad bi uns!
Handynr.: 079 718 44 85, oder per Mail: info@wirfel.ch
Piccolo-Kurs für Widerystyger
Mir hän e Piccolo-Kurs für Widerystyger!
Wenn: ab sofort
Wo: Aula Fiechten-Schulhaus in Rynach
Zyt: jewils am Mittwoch vo 19:00 bis 20:00h
Über uns
Mer sinn e glains Grüppli Vordräbler und Pfyffer, mer nämme au Tamboure und mache Fasnacht in Rynach und in Basel, aber in Basel ebe kai Goortèèsch, sondern mer gässle. Mir hänn jedes zwaite Joor e Sujet mit Goschdym und Zeedel.
Aigentlig simmer e Rynacher Gligge, mir iebe immer am Mittwuch zoobe vo 20:00 bis 22:00h in Rynach, aber mit de Joore simmer international worde und ebe "zämmegwirflet". Duurs Joor organisiere mir e paar Usflüüg und Aaläss, mir mache e Bummel, gön go Minigolfspiile, an d Herbschtmäss und hän e Wiehnachtsässe. Ab und zue gits au emol en Uffdritt uf ere glaine Bühni.
Unsere Mitgliederbytrag isch pro Joor: 40 Frangge für Passivi (au Vordrääbler), 110 Frangge für Aggdivi (Pfyffer und Pfyfferinne).
Wenn de mee wotsch wüsse, schriib e E-Mail oder lüt doch eifach aa. Mir fraie-n-ys!