D Absaag vo dr Faasnacht 2020 - dr grossi Schogg!

I bi soo truurig, s' isch mer so wee,
Ka nümm rächt pfyffe und due schwarz-wyss gsee.

Z Basel a mym Rhyy
Nai, das ka nid syy!
Waiht kai Räppli in der Luft
Und es het kai Ziiblewaieduft!
A mym liebe, a mym liebe Rhyy!

Uff der Basler Pfalz
Allne Vire gfallts
O, du truurigs Piccolo,
Dörfsch jetzt nid go pfyffe go!
Vor der Basler, vor der Basler Pfalz!

Uff der breite Brugg
Schränzt kaine hii und zrugg!
Nai, wie still ischs in der Stadt!
Nai, wie wärs doch jetzt so glatt!
Doo am Cortège, uff der Basler Brugg!

Uf dr griene Schanz
Gsehsch das Joor kei Schwanz
Y blyb deheim und s isch mer wee,
Kai Gugge und kai Waggis z'gsee!
Wär-y, wär-y, doch die Wält no ganz!